16.5.2012

Forsetaembætti, stjórnarskrá, Hallgrímur og Jónas

Vorhefti Skírnis, tímarits Hins íslenska bókmenntafélags, er komið út og er það fyrra hefti 186. árgangs. Í sinni löngu útgáfusögu hefur tímaritið einatt fjalla um samfélagsmál sem varða þjóðina miklu. Þegar þetta hefti birtist er stutt í forsetakosningar þar sem óvenju margir frambjóðendur gefa kost á sér, auk þess sem mikil umræða hefur verið um nýja stjórnarskrá. Í Skírni er að finna þrjár greinar þar sem rætt er um valdsvið forseta, sögulega þróun embættisins og tillögur stjórnlagaráðs, eftir ólíka höfunda með ólíkar áherslur: Svan Kristjánsson, Eirík Bergmann og Þorvald Gylfason. Það er von ritstjóra að þessar greinar geti stuðlað að vitlegri rökræðu um íslenska stjórnskipan og hlutverk embættis forseta Íslands.

30.11.2011

Þagnið dægurþras og rígur!

Efni þessa seinna heftis 185. árgangs Skírnis er fjölbreytt að vanda. Þrjár greinar fjalla um íslensk þjóðfélagsmál: Páll Skúlason lýsir hugsjóninni um menntaríkið og spyr hvernig hún geti nýst Íslendingum til að takast á við kreppuna, Svanur Kristjánsson ræðir upphaf kvótakerfisins 1983 og spyr hvort þjóðþingið hafi þá orðið að þjófþingi og Kristín Loftsdóttir greinir umræðuna um grunnskólalögin, trúarbrögðin og fjölmenningarsamfélagið.
Meira

22.5.2011

Frá landnámi til stjórnlagaráðs

Hvenær hófst eiginlega landnám á Íslandi? Að undanförnu hefur Páll Theodórsson eðlisfræðingur ítrekað haldið því fram í Skírni að það hafi hafist mun fyrr en almennt hefur verið talið. Í nýútkomnu vorhefti Skírnis andmælir Gunnar Karlsson sagnfræðingur kenningum Páls, lýsir sig raunar gersamlega ósammála þeim þótt hann virði framtakið.
Meira

9.11.2010

Frá landnámi til landsdóms

Hausthefti Skírnis er komið út, röskar 300 síður að stærð og því óvenju efnismikið að þessu sinni. Umfjöllunarefnin ná frá landnámi til landsdóms, og  höfundar takast bæði á við sígildar spurningar heimspekinnar og mál sem eru á döfinni í íslensku samfélagi.
Meira